'U Santuariu

Emanuele di Bartolo
dal libro "'U jusciarulu" (1962)

 
Picculu Santuariu,
t'àju ritrovatu 'mmenz'i virdi olivi
e m'è parzu 'e veniri ccu nt'a mana
i cannili vutivi
d'a cotraranza mia tanta luntana!

D'i suspiri d'i nostri vecchj, tuni,
asilu sulitariu
e ricòviru certu d'i speranzi
antichi 'e tutt'a loru giuvanizza!

Iu votu puru ccu 'ra mia vecchjzza!
Oh, recanùsciu 'a vùcia,
'u ciciulijari
'e tuttì carafuni dintrì sòliti vaddri...

Ntì stessi spini i stessi juri ggiaddri...
nt'u celu 'a stessa lùcia...

Nta ssu selenzu, nta ssa pàcia ntera,
chjna, 'e tutt'a campagna chi s'assonna,
mi para d'avertiri
u leccu d'a preghera
e chi pozza...

Ca pozza iu custodiri,
ntatti, ss'ùrtimi avanzi
cari 'e ricordi e ca cci sia suspisu
'u maternu tuu risu
santu, Madonna!

Comune di Crucoli (KR) - Sito Ufficiale


     TWITTER  fACEBOOK

Via Roma, 6 - 88812 Crucoli (Kr) - Tel. (+39) 0962 33274 Fax (+39) 0962 33090 -
C.F. / P.IVA 00297210791 - Pec: protocollo.comunecrucoli@pcert.postecert.it

Sito Ufficiale: www.comune.crucoli.kr.it
  Statistiche

Bussola Pa

Note Legali

Privacy

 

HTML 4.01 Valid CSS
Pagina caricata in : 0.115 secondi
Powered by Asmenet